شاندێکی مەکتەبی
پەیوەندیەکانی
یەکێتیی نیشتمانی سەردانی
رزگاری دەکات
کاتژمێر ١٢،٣٠ پێنج شەممە،
رێکەوتی
٢٢-١١-٢٠١٢ کاک مەحمودی حاجی ساڵح
بەرپرسی مەکتەبی
پەیوەندیەکانی کوردستانی،
یەکێتیی نیشتمانیی کوردستان
بە یاوەری ژمارەیەک لە
ئەندامانی مەکتەب. لەشاری هەولێر
سەردانی بارەگای مەکتەبی
سیاسی حزبمان، حزبی رزگاریی کوردستانی کرد و
لەلایەن هەڤاڵ رێکار
ئەحمەد سکرتێری گشتی حزب و
ژمارەیەک لە ئەندامانی
مەکتەبی پەیوەندیەکان
بەگەرمیەوە پێشوازیان لێکرا،
ئەوسا لە دیدارێکی برایانەدا باس
لە رەوشی هەنووکەیی
هەرێمی کوردستان و مەترسیەکانی دامەزراندنی
ئۆپەراسیۆنی دیجلە کرا، هەردوولا
هاوڕابوون کە پێشێلکردنی دەستووری
عێراق چارەنووسی ولات بەرەو
هەڵدێر دەبات، بۆیە دەبێ
ئەو ئۆپەراسیۆنە هەڵبوەشێتەوەو
رێی دیالۆگ بگیرێتەبەر بۆ
چارەسەرکردنی کێشەکان. هاوهەڵوێستی
هێزو لایەنە سیاسیەکانی کوردستان
لەبەرانبەر هەڕەشەکان بە
پێویست و ئەرکێکی نیشتمانی زانراو
هیواخوازبوون کە هەموو لایەنە
سیاسیەکان لەبەرانبەر
هەڕەشەو مەترسیەکانی
ناوەندو دەرەکی یەکڕیز و
یەک دەنگ بن.