رژێمی تورکیا درێژە بە سیاسەتی تۆقاندن دژ بە کورد دەدات

سەرچاوەکانی هەواڵ ئاشکرایان کرد کە دادگەێکی وڵاتی تورکیا سزای زیندانیکردنی بەسەر ژمارەیەک سیاسەتمەداری کورد سەپاندوە، ئەوەش سەرچاوەی لەو هێرش و گوشارانەوە گرتووە کە رژێمی تورکیا دژ بە چالاکوانانی سیاسی لە باکوری کوردستان بەڕێوەی دەبات. جێی ئاماژە پێکردنە کە لە 14ی نیسانی ساڵی 2009 و لەژێر ناوی ئۆپێراسیۆنی KCK، هەزاران ئەندام و لایەنگری BDP و لەنێویاندا 10 پەرلەمانتار و 24 شارەوان و ئەندامی سەرکردایەتیی BDP دەستگیر کراون.

بەگوێرەی هەواڵەکان ژمارەیەک لە شارەوان و ئەندامانی سەرکردایەتی بەدەپەی سزاداوە، بەڵام تا ئێستا هێشتا بواری تانەلێدان و تێهەڵچونەوە ماوەتەوە.

لەلایەکی دیکەوە هەر ئەمڕۆ پارتی ئاشتی و دیموکراسی بەدەپە لەژێر دروشمی (ئێمە بە بەرخودانی خۆمان خەبات بۆ ئازادیی ئێوە دەکەین" کۆنگرەی ئاوارتەی خۆی دەستپێکرد. وەک دەگوترێ کە کۆنگرەکە بە ئامادەبوونی هەزار و 190 ئەندامی BDP و نوێنەرانی حیزب و لایەنە سیاسییەکانی هەرچوار پارچەی کوردستان لە ئانکارای پایتەختی تورکیا دەستی بەکارەکانی خۆی کرد.