بهههڕهشهی نانبڕین، پزیشکه موقیمهکان مان دهشکێنن

سهرچاوهکان ئاشکرایان که حکومهتی ههرێمی کوردستان ههڕهشهی نانبڕین و دهرکردنی له پزیشکه موقیمه مانگرتووهکان کردووهو پێیڕاگهیاندوون ئهگهر مان نهشکێنن و بۆسهر کارهکانتان نهگهڕێنهوه، ههمووتان بهیهکهوه دهردهکهین، بهوهۆیهوه ئهمرۆ 5-5-2008 پزیشکه مانگرتووهکان بهناچاری و بێ ئهوهی داواکاریهکهیان جێبهجێ بکرێ، مانهکهیان شکاند، بهڵام لایهنی بهرپرسیار بهوهنده نهوهستا، له بڕیارێکی چاوهڕوان نهکراودا ههموو ئهو پزیشکه عهرهبانهی فهسل کرد که پشتیوانیان له داواکانی پزیشکه موقیمهکانی شاری سلێمانیدا کردبوو.

جێگهی ئاماژهیه چهند رۆژ لهمهوبهر ئهفسهرێکی پلهداری پاسهوانانی سنوور که ئهندامی لایهنێکی دهستهڵاتداره سوکایهتی به پزیشکێک کردبوو، پاسهوانهکانی لێیان دابوو، دواتریش بۆ ماوهی شهش کاتژمێر له حهوشهی بنکهی پۆلیسدا زیندانیان کردبوو، بهوهۆیهوه پزیشكه موقیمهکانی شاری سلێمانی مانیان گرتبوو، داوای سزادانی ئهو ئهفسهرهیان دهکرد، هاوکات پزیشکه عهرهبهکانیش پشتیوانی خۆیان دهربڕی بوو، بهڵام بهرپرسانی کوردستان مافی مانگرتنیان پێڕهوا نهدیتن و بڕیاری دهرکردنی ئهوانیان دهرکرد.