ههولێر: شاندێکی حزبی رزگاریی کوردستان سهردانی لایهنه سیاسیهکان دهکات

* کاتژمێر 10ی رۆژی 25-12-2007 شاندێکی حزبی رزگاریی کوردستان که پێکهاتبوو له بهڕێزان رێکار ئهحمهد سکرتێری حزب و ههڤاڵ ههژار زراری ئهندامی کۆمیتهی ناوهندی و بهرپرسی کۆمیتهی پارێزگای ههولێر سهردانی بارهگای بزووتنهوهی دیموکراتی گهلی کوردستانی کرد که لهلایهن بهڕێز مام خدر روسی سکرتێری بزووتنهوهو ژمارهیهک له ئهندامانی سهرکردایهتی پێشوازی لێکرا، ئهوسا له دیدارێکی برایانهدا باس له رهوشی ههنوکهیی کوردستان و پێوهندی نێوان لایهنه سیاسیهکان کرا. ههردوو لا هاوڕابوون له دهبێ پڕۆسهی سیاسی له باشووری کوردستان گوڕوتنێکی نوێی پێبدرێ.

* کاتژمێر 11ی رۆژی 25-12-2007 ههمان شاندی حزبی رزگاریی کوردستان سهردانی بارهگای بزووتنهوهی دیموکراسیخوازانی کوردستانی کرد که لهلایهن کاک شوکروڵڵا حهمهدئهمین جێگری سکرتێری گشتی بزووتنهوهی دیموکراتیخوازانهوه پێشوازی لێکرا، ئهوسا له دیدارێکی برایانهدا باس له هێرش و پهلامارهکانی سوپای تورکیا کرا، ههردوولا زۆر به تووندی بۆردومانکردنی گوندو ئاواییهکانی کوردستانیان لهلایهن فڕۆکه جهنگیهکانی تورکیاوه ریسواو مهحکوم کردو هیوایان خواست که کوردستانیان یهک دهنگ و یهک ههوڵوێست لهبهرانبهر ئهو دوژمنکاریهدا رابوهستن. ههروهها له تهوهرێکی دیکهدا باس له پێوهندی نێوان لایهنه سیاسیهکانی کوردستان کرا.

* کاتژمێر 12ی رۆژی 25-12-2007 ههڤاڵ رێكار ئهحمهد سکرتێری گشتی حزبی رزگایی به یاوهری ههڤاڵ ههژار زراری بهپرسی کۆمیتهی پارێزگاری ههولێر سهردانی رێزدار عهلی حاجی سکرتێری گشی پارتی کۆماری کوردستانی کرد، سهرهتا بهبۆنهی ناردنی پهیامی پیرۆزبایی بهڕێزیان بۆ مهکتهبی سیاسی حزبی رزگایی کوردستان، ههڤاڵ رێکار ئهحمهد زۆر سوپاسی بهڕێز عهلی حاجی کردو هیوای خواست که جهژن و بۆنهکان بکرێن به رۆژی یهکێتی و تهبایی نێوان کوردستانیان و هێزه سیاسیهکانی، دواتر سهبارهت به رهوشی ههنوکهیی کوردستان بیروڕا ئاڵوگۆڕ کرا، ههردوولا هاوڕابوون که دهبێ پێداگری لهسهر مافه رهواکانی گهلی کوردستان که خۆی له رزگای یهکجارهکی و پێکهێنانی دهوڵهتی سهربهخۆ دهبینێتهوه، بکرێ. ههردوولا هیواخوازبوون که سهرۆکایهتی ههرێمی کوردستان لێبڕاوانه لهبهرانبهر هێرشه دوژمنکاریهکهی تورکیا ههڵوێست بنوێنێ و له رێکخراوی نهتهوه یهکگرتووهکاندا سکاڵا له دژی تورکیا تۆمار بکات.

* کاتژمێر 13ی رۆژی 25-12-2007 ههڤاڵ رێکار ئهحمهد به یاوهری ههڤاڵ ههژار زراری سهردانی بهڕێز کاک رۆمیۆ ههکاری سکرتێری گشتی پارتی بێت نههرێنی دیموکراتیان کرد، سهرهتا بهبۆنهی ساڵیادی له دایک بوونی حهزرهتی مهسیح پیرۆزباییان لێکردن و هیوایان خواست که ههردوو نهتهوهی کوردو ئاشوری وهک ههمیشه برایانه بهرهو بنیاتنانی کۆمهڵگهیهکی بهختهوهر تێبکۆشن و پارێزگاری له نیشتمانهکهیان بکهن.

رێزدار رۆمیۆ ههکاری لهلایهن خۆیهوه سهرسوڕمانی خۆی سهبارهت به رامانی حزبی رزگاریی کوردستان پێشان داو هیوای خواست که ههموو لایهنه کوردستانیهکان ئاوا راشکاوانه باس له ماف و ئازادیهکانی نهتهوهکانی ناو کوردستان بکهن، ئهمهشی به مهرجی سهرکهوتنی کۆمهڵگهی کوردستان لێکدایهوه.

* کاتژمێر 11ی رۆژی 26-12-2007 ههڤاڵ رێکار ئهحمهد سکرتێری گشتی رزگاری به یاوهری ههڤاڵ ههژار زراری بهرپرسی کۆمیتهی پارێزگاری ههولێر سهردانی دهفتهری سیاسی پارتی ئازادی کوردستانی کردو لهلایهن کاک حوسێن یهزدانپهنا جێگری سهرۆکی پارتی ئازادییهوه بهگهرمی پێشوازی لێکرا، ئهوسا له دانیشتنێکی دوو سهعاتیدا باس له گۆڕاکاریهکانی کوردستان کرا، ههردوو لایهن داخباری خۆیان بۆ ئهو لهتبوون و دابڕانانه دهربڕی که ئێستا ههندێ لایهنی کوردستانی گرتۆتهوه، ئهمهشیان به دیاردهیهکی زیانبهخش داناو هیوایان خواست که لایهنهکان به دایالۆگ و دانوستاندن کێشهکانی خۆیان چارهسهربکهن و بیر له دابڕان و هاوێربوون نهکهنهوه. له تهوهرێکی دیکهدا جهخت لهسهر پێوهندی نێوان حزبی رزگاریی و پارتی ئازادی کوردستان کرایهوهو وهبیرهێنرایهوه که ئهو پێوهندییه مێژینهی ههیهو بۆ 15 ساڵ لهمهوبهر دهگهڕێتهوه، بهوهۆیهوه هیوایان خواست که درێژهی پێبدرێ و قوڵتر بکرێتهوه.

* کاتژمێر 10ی رۆژی 27-12-2007 ههڤاڵ رێکار ئهحمهد به یاوهری ههڤاڵ ههژار زراری سهردانی بارهگای مهکتهبی پهیوهندی کوردستانی و نیشتمانی پارتی دیموکراتی کوردستانی کرد که لایهن کاک سهلاح دهلۆ ئهندامی کۆمیتهی ناوهندی و بهپرسی مهکتهب و کاک میقداد جێگری بهرپرسی مهکتهب و کاک عارف به گهرمیهوه پێشوازی لێکرا، ئهوسا له دیدارێکی برایانهدا باس له رهوشی ئێستای کوردستان به تایبهتیش هێرشی دوژمنکارانهی تورکیا بۆسهر ههرێمی کوردستان کرا، ههردوولا هیوایان خواست که پێوهندی نێوان لایهنه سیاسیهکانی کوردستان بههێزو پتهوتر بکرێ، ئهمهشیان به مهرجی سهرکهوتنی ئهزموونی باشووری کوردستان دانا، دواتر جهخت لهسهر پێوهندی نێوان پارتی دیموکراتی کوردستان و حزبی رزگاریی کوردستان کرایهوهو هیوایان خواست که پهرلهمانی کوردستان به زوویی بڕیار لهسهر بودجهی حزبهکان بدات، بهوهۆیهشهوه پێوهندی لهنێوان حکومهت و حزبهکان رێکبخرێ.