حزبی رزگاریی کوردستان یه‌که‌مین راگه‌یاندنی
خۆی له 15-8-1993 بڵاوکردۆته‌وه ،درێژه‌پێده‌ری پارتی گه‌لی دیموکراتی کوردستانه
که له 26-7-1981 دامه‌زرابوو . پارتی گه‌ل له 20-8-1992 کۆنگره‌یه‌کی هاوبه‌شی
له‌گه‌ڵ حزبی سۆسیالیستی کوردستان و پاسۆکدا پێکهێنا ، له‌و کۆنگره‌یه‌دا ناوی
حزبی نوێ بوو به حزبی یه‌کگرتنی کوردستان ، به‌ڵام حزبی یه‌کگرتنی کوردستان کۆمه‌ڵی
گیروگرفتی سه‌رکردایه‌تی ، رێکخستن و دارایی بۆ هاته پێش، بۆیه سه‌رکردایه‌تی
باڵآ ده‌ستی یه‌کگرتن ویستیان حزبی یه‌کگرتن هه‌ڵوه‌شێننه‌وه ، به‌ڵام ده‌سته‌یه‌ک
کادیری ناو دووه‌مین کۆنگره‌ی حزبی یه‌کگرتن بڕیاری سه‌ربەخۆی خۆیان وه‌رگرت و
مانه‌وه‌یان راگه‌یاند، ئیتر ناوی حزب بۆ حزبی رزگاریی کوردستان گۆڕدرا ، له‌و
کاته‌وه حزبی رزگاریی کوردستان وه‌ک حزبێکی سه‌ربه‌خۆ درێژه به کاره‌کانی خۆی
ده‌دات .
>