راستکردنهوهیهک بۆ کاک سۆران عومهر

برای خۆشهویست کاک سۆران عومهر له کورته نووسینێکدا که له سایتی کوردستانپۆستدا بڵاوکراوهتهوه باسی مێژووی ( پارتی گهلی دیموکراتی کوردستان )ی کردووه ، من وهک ئهندامێکی دێرینی پارتی گهل حهز دهکهم ئهم زانیاریانهی بۆ راست بکهمهوه

شهڕی سهنات ساڵی 1982 بوو ، نهک 1983

ئهو کاتهی شهڕی سهنات روویدا کاک سامی له سوریا بوو، فهرماندی هێزهکه عهبدوڵلا ساڵح و کهریم سنجاری بوون ، دوای شکستی سهنات ههردووکیان گهڕانهوه ئهوروپا ، عهبدوڵلا ساڵح له داخی شکستهکه دووچاری نهخۆشی دهروونی هات و گهڕایهوه بهغداد ، بهڵام کهریم سنجاری له سوید مایهوه . کاک سامی بههیچ شێوهیهک نهگهڕایهوه باوهشی رژێمی بهعس ، دوای راپهڕینی 1991 و کاتێ سهرکردایهتی بهرهی کوردستانی بۆ دانووستاندن چوون بۆ بهغداد کاک سامیش لهگهڵ ئهواندا چوو بۆ بهغداد

پارتی گهلی دیموکراتی کوردستان ئهندامی بهرهی جوقد بوو ، دوایی له ساڵی 1985 بوو به ئهندامی بهرهی جود ، چونکه به ئهندام لهبهرهی جود وهرگیرا ، ئیتر پهیوهندی لهگهڵ پارتی دیموکراتی کوردستان ئاسایی بۆوه . ساڵی 1986 پێشمهرگهکانی پارتی گهل توانیان بۆ جهوله بچن بۆ ناوچهی بادینان و له گوندی بێکرێس بارهگایان دانا ، نهک له شاری دهۆک . ساڵی 1987 پارتی گهل توانی بارهگای لقی دهۆک له ناوچه ئازادکراوهکاندا بکاتهوه نهک له ناو شاری دهۆک

پارتی گهل له کۆتایی ساڵی 1987 له خواکوڕک کۆنفرانسی خۆی پێکهێنا نهک له مارسی1988

راپۆرتی ئهو کۆنفرانسه له ژێر ناوی سهرهتا و ئاسۆ له دوو تۆی کتێبێکدا چاپ و بڵاو کراوهتهوه

پارتی گهل ساڵی 1989 دووهمین کۆنگرهی خۆی له گوندی بادیناوه بهڕیوهبرد که دهکهوێته نزیک سێ سنوورهوه . راپۆرتی ئهو کۆنگرهیهش له ژێرناوی سهرباری سهختی کاروان بهرهو پێشدهچیت ، بڵاوکراوهتهوه

پارتی گهل له 18 و 19ی مانگی 8ی 1992 سێیهمین کۆنگرهی خۆی له ههولێر بهڕێوه بردو لهوێوه بڕیاریدا که یهکگرتن لهگهڵ حزبی سۆسیالیستی کوردستان و پاسۆکدا بکات ، ئهوهبوو له 20/8/1992 گۆنگرهی یهکبوونی ئهو سێ لایهنه بهسترا و تا 27/8/1992 بهردهوام بوو ، لهو کۆنگرهیهدا حزبی یهکگرتنی کوردستان پێکهێنرا بهڵام حزبی یهکگرتنی کوردستان لهبهر ناکۆکیهکانی خۆی نهیتوانی سهرکهوتوو بێت

سهرکردایهتی حزبی یهکگرتن لهناو خۆیاندا ناکۆک بوون ، بهشێک لهسهرکردایهتی بۆ خۆ رزگارکردن له حزبی یهکگرتن سیناریۆی یهکگرتنێکی گهورهتریان هێنایه گۆڕێ ، بۆ ئهو مهبهسته له 14و15ی ئابی 1993 دووهمین کۆنگرهی حزبی یهکگرتنی کوردستان بهسترا . لهناو کۆنگرهدا ژمارهیهک ئهندام لهگهڵ ئهندامێکی سهرکردایهتی حزبی یهکگرتن بڕیاری مانهوهیان داو رۆژی 15ی ئابی 1993 به یاننامهیهکیان بڵاوکردهوه و حزبی رزگاریی کوردستانیان راگهیاند ، بهشهکهی تری حزبی یهکگرتنی کوردستان بهسهرۆکایهتی کاک سامی له 16ی ئابی 1993 چوونه ناو کۆنگرهی پارتی دیموکراتی کوردستان . واته کاک سامی له 16ی ئابی 1993 گهڕاوهتهوه ناو پارتی دیموکراتی کوردستان

هیوادارم کاک سۆران عومهر ئهم زنیاریانه وهربگرێ و بیخاته سهر نووسینهکهی خۆیهوه

ئهندامێکی دێرینی پارتی گهل