شاندێکی پارتی چارەسەری دیموکراتی کوردستان سەردانی حزبی رزگاری دەکات

کاژمێر ١٤ی رۆژی ٢٠-١١-٢٠١٢ بەڕێز کاک دیار غەریب هاوسەرۆکی پارتی چارەسەری دیموکراتی کوردستان بە یاوەری ژمارەیەک لە ئەندامانی سەرکردایەتی ، لە شاری هەولێر سەردانی بارەگای مەکتەبی سیاسی حزبمان، حزبی رزگاریی کوردستانی کردو لەلایەن هەڤاڵ رێکار ئەحمەد، سکرتێری گشتی حزب و ژمارەیەک لە ئەندامانی سەرکردایەتی بەگەرمیەوە پێشوازیان لێکرا، ئەوسا لە کۆبوونەوەێکی برایانەدا باس لە رەوشی هەنووکەیی کوردستان و هاوکاری نێوان لایەنە سیاسیەکانی کوردستان کرا. هەردوولا هاوڕامان بوون کە دەبێ فەرماندەیی ئۆپەراسیۆنی دیجلە هەڵبوەشێتەوە چونکە ئارامی ناوچە دابڕێندراوەکان دەشێوێنێ وهەبوونی زیان بە پڕۆسەی سیاسی لە عێراق دەگەیەنێ، لەو پێوەندەدا هاوکاری و هاوهەڵوێستی لایەنە سیاسیەکان بە گرنگ و پێویست زانرا. لە تەوەرێکی دیکەدا باس لە رەوشی باکورو رۆژئاوای کوردستان کرا، پشتیوانیکردن لێیان بە ئەرکێکی نەتەوەیی و نیشتمانی لێکدرایەوە.