پشتیوانی لە کۆبانی دەکەین


ماوەی چەند رۆژێکە چەتەکانی داعش هێرشەکانی خۆیان بۆسەر کۆبانی چر کردۆتەوە، هەموو ئەو چەکانەی لە موسڵ رادەستی داعش کران، ئێستا بۆ هێرش کردنە سەر کوردانی رۆژئاوا بەکار دەهێندرێن، بەوهۆیەشەوە پێوەندی نێوان داعش و تورکیا، هەروەها سیناریۆ داڕێژراوەکەی تورکیا و وڵاتانی عەرەبی بە ئاشکرا خۆیا دەبێ کە بەمەبەستی لێدانی کوردانی رۆژئاوا هێنراوەتە رۆژەڤەوە.

لەو پێوەندەدا ئێمە لە حزبی رزگاریی کوردستاندا هێرشی داعش بۆ سەر کۆبانی ریسواو شەرمەزار دەکەین و پشتیوانی خۆمان بۆ خەڵکی کۆبانی و تێکۆشەرانی دووپات دەکەینەوە، لەهەمان کاتدا سیناریۆی نێوان تورکیا و وڵاتانی عەرەبی دژ بە رۆژئاوا بە مەترسیێکی گەورەی دەزانین و بە تووندی ریسواو شەرمەزاری دەکەین و لە قاوی دەدەین.

سڵاو لە کۆبانی

سڵاو لە رێبوارانی ئازادی و پارێزەرانی نیشتمان

نەفرەت لە سەرجەم تیرۆریستان و وڵاتە تیرۆرپەروەرەکان

 

مەکتەبی راگەیاندن

حزبی رزگاریی کوردستان

٧-٧-٢٠١٤