کاتی ئهوه هاتووه سهرکردایهتی کورد دان به شکستی سیاسهتی خۆی بنێ

بهر له روخانی سهدام ، تێكڕای گهلی کوردستان به ههژار و دهوڵهمهندهوه ، به دارا و نهدارهوه، به ژن و پیاوهوه ، به گهوره و چوکهوه روو دهمیان له سهرکردایهتی لایهنه به شهڕچووهکان کرد و داوایان لێکردن که گوێ له هاوار و ناڵهی دایکی شههیدان و کڕوزانهوهی شار و گونده خاپورکراوهکان بگرن و واز له زمانی چهک و هێز بهێنن و بۆ زمانی لۆژیک و ژیریی سهردهم بگهڕێنهوه ، لێ مخابن ئهوان گوێیان لهکهس نهگرت و خۆیان لهههموو تێکۆشهرێکی دیکه به راستتر و کوردپهروهرتر و نیشتیمانپهروهرتر دانا و گاڵتهیان به لێکدانهوهی سیاسهتمهدارانی جیا له خۆیان هات و تهنیا سیاسهتی خۆیان به راست و رهوان زانی و پێشیانوابوو تهنیا سیاسهتی ئهوان له ئاستی هاوکێشهکانی نێودهوڵهتان و داخوازیهکانی نهتهوهی کورددا دێتهوه . لهکاتی سهروبهندی ئامادهکاری بۆ لێدان و هێرشکردنه سهر رژێمی عێراق دیسانهوه زۆرینهی لایهنه سیاسیهکان و سیاسهتزانانی کوردستانی و دۆستانی نهتهوهی کورد پێشنیاریان بۆ کردن که بهبێ مهرج و گرهنتی مسۆگهرکردنی مافهکانی گهلی کورد نهچنه ناو هاوکێشهیهکی کورتنهکراوه و بێئاکام . بهڵام دیسانهوه گوێیان له کهس نهگرت و به تهنیا گهلی کوردیان خسته نێو هاوکێشه قوڵهکهوه .کاتێ رژێمی بهعس روخا و شارهکانی دیکهی کوردستان به کهرکوکیشهوه رزگارکران و پێشـمهرگه خۆیان گهیانده ناویان و کۆنترۆڵیان کردن و کوردی ئاواره و دهرکراویش به پهرۆشهوه بهرهو زێدی باب و باپیرانی خۆیان گهڕانهوه و ویستیان مافه زهوتکراوهکانی خۆیان وهربگرنهوه ، ههمدیسان سهرکردایهتی کوردستان رێگهی له رهوتی به کوردستانیکردنهوهی شاره به عهرهبکراوهکان گرت و خۆبهخشانه هاوکاری عهرهبه هاوردهکان و پیاوانی رژێمی بهعسیان کرد و سهر و گیانیان پاراستن و دهستیشیان ئاوهڵا کردنهوه .ئهو کاته زۆر راشکاوانه هاوارمان کرد و تکامان لێکردن که بهدهستی خۆیانهوه بتێکی دیکه دانهتاشن ،بۆ ئهوهی له دواییدا داوای کۆمهک و هاوکاری لهو بته داتاشراوه نهکهن ، باشتر وایه خۆیان به دامهزراندنهوهی عێراقی ههڵوهشاوه خهریک نهکهن و کوردستانی ئازادکراو دهگۆماوی خوێناوی عێراق نهکهنهوه و جارێکی دیکهش ناچارمان نهکهنهوه که بۆنی بارووت و گهردهلولهکانی ئهنفال ههڵمژینهوه ، بهڵام دیسانهوه ئهوان گوێیان لهکهس نهگرت و به راکردن بهره و بهغدادی حوکمڕانی رایان کردهوه و به دروشمی عێراقی هیواو ئاشتی کاسیان کردینهوه .

له کاتێکدا ئێمه بۆ پێکهێنانی کۆنگرهی ئاشتبوونهوهی کوردستانیان هاوارمان دهکرد و داوای جیابوونهوهی باشووری کوردستانمان دهکرد ، ئهوان خۆیان به کۆنگرهی ئاشتبوونهوهی عێراقیهکان خهریک دهکرد و سهرانی هێزه رهگهزپهرستهکانی عهرهبییان بانگهێشت دهکردن و باوهشیان بۆ دهگرتنهوه . ئێمه راشکاوانه دهمانگوت : باشترین چارهسهر بۆ یهکلایی کردنهوهی کێشهی ئاڵۆزی عێراق و بهختهوهرکردنی نهتهوهکانی ناو عێراق ئهوهیه نهتهوهکان ئازادانه بڕیار له چارهنووسی خۆیان بدهن و سێ ویلایهته به زۆر بهیهک لكێنراوهکان ئارهزوومهندانه لهیهکتر جیا بکرێنهوه ، کهچی ئهوان جهختیان لهسهر بهیهکهوه ژیانی ئارهزوومهندانه دهکردهوه و بهرهو بنیاتنانهوهی عێراق تێدهکۆشان .

کاتێ لهسهروبهندی پێکهێنانی حکومهتی ئینتیقالی ، کورد له پۆستی سهرۆکایهتی کۆمار و سهرۆکی ئهنجوومهنی وهزیران بێبهری کرا ، دیسانهوه له رێگهی نامهیهکی کراوهوه داوامان لێکردن که بگهڕێنهوه کوردستان و له جیاتی رێکخستنهوه و ئاوهدانکردنهوهی نێو ماڵی دوژمن ، با نێو ماڵی کوردهواری رێکبخهنهوه و بهره و تێکهڵکردنهوهی ههردوو ئیدارهکه ههنگاوی کردهیی ههڵبگرنهوه و پێ لهسهر ماف و ئازادییهکانی نهتهوهییمان دابگرن و بهرو پێکهێنانی دهوڵهتی سهربهخۆ راسته رێ بگرن و له کۆسپ و تهگهره و ههڕهشهکان نهسهنگرێنهوه ، بهڵام مخابن دیسانهوه هاوارنامهی ئێمهیان بهههند وهرنهگرت و به نهتهوهپهرست و سهربهخۆخواز ناوزهدیان کردین و بهگوڕتر بۆ وهدهستهێنانی پلهو پایه بهرهو بهغداد و عێراقچێتی رایان کردهوه و بهوهش تاوانباریان کردین که ههست به ناسکی بارودۆخی نێودهوڵهتی و ههرێمی ناکهین و مهبهستمانه گرفت و ئاژاوه بخهینه سهر رێگهی عێراقی هیواو ئاشتی که کورد لهو عێراقهدا به تهواوی ماف و ئازادییهکانی خۆی شاد دهبێتهوه .

ئیمڕۆ تهواوی رامان و بۆچوونهکانی ئێمه له واری کرداریدا خۆیا و ئاشکرا بوونه ، عهرهبی عێراق به شیعه و سوننهیانهوه ئامادهنین دان به کوردستانبوونی کهرکوک و ناوچه دابڕاوهکانی دیکه دابنێن ، ئامادهنابن مادهی ٥٨ جێبهجێ بکرێ و عهرهبه هاوردهکان بۆ سهر زێدی باب و باپیرانی خۆیان بگێڕدرێنهوه . ئیمڕۆ سهرکردایهتی کورد خۆی له ئاستی گهورهترین هێرش و پهلاماری عهرهبدا دهبینێتهوه ، له ژێر گوشارێکی تووند دایه ، ناچاربووه له پێناو دامهزراندنهوهی عێراقی هیواو ئاشتی واز لهبهشێک له داخوازیهکانی خۆی بهێنێ . لهم پێوهندیهدا ئێمه جارێکی دیکهش دڵسۆزانه بانگیان دهکهین که لهوه زیاتر چارهنووسی نهتهوهی کورد له باشووری کوردستاندا بهرهو تاریکی و نادیاری خلۆر نهکهنهوه و له دووڕیانی هات و نههاتدا رای نهگرنهوه ، باشتر وایه دان بهشکستی سیاسهتی خۆیان بنێن و بۆ پێکهێنانی کۆنگرهیهکی نیشتیمانی کاربکهن و تهواوی دهستهڵاتیش بهو کۆنگرهیه و به بزاڤی راپرسی بسپێرن و دهروازه بۆ رهوت و رامانهکانی دیکه بکهنهوه. لهم پێوهندیهدا جارێکی دیکهش دووپاتی دهکهینهوه که ئیمڕۆ کاودانی نێودهوڵهتی له ههموو کاتێکی دیکه لهبارتره . رهوشهکه له بهرژهوهندی کوردستانیان دایه ، به هێزی یهکگرتووی جهماوهر و به یهکڕیزی نێوان لایهنه سیاسیهکان ئاسۆی روون له چاوهڕوانی دۆزی رهوای گهلی کوردستان دایه ، ئهگهر و بواری ئهوه ههیه له ماوهی کهمتر له شهش مانگدا دهوڵهتی سهربهخۆ رابگهیهنرێت و پشتیوانی نێودهوڵهتیش مسۆگهر بکات . دهبا ههموومان بهو گیانهوه بۆ هێز و بڕیاری جهماوهر بگهڕێینهوه و خاوهندارێتی له پرسی سهربهخۆییدا بکهین .

رێکار ئهحمهد

سکرتێری گشتی حزبی رزگاریی کوردستان

19-8-2005