سکرتێری حزب پیرۆزبایی لە ئەندامانی کابینەی حەوتەم دەکات

بەبۆنەی راگەیاندنی حەوتەمین کابینەی حکومەتی هەرێمی کوردستان، هەڤاڵ رێکار ئەحمەد، سکرتێری گشتی حزبمان، حزبی رزگاریی کوردستان پەیامێکی پیرۆزبایی ئاراستەی رێزدار کاک نێچیرڤان بارزانی سەرۆکی ئەنجوومەنی وەزیران و کاک عیماد ئەحمەد جێگری سەرۆکی ئەنجوومەنی وەزیرانی کوردستان کرد، کە تێیدا هاتووە: {بەبۆنەی راگەیاندنی کابینەی حەوتەمی حکومەتی هەرێمی کوردستان، بەناوی خۆم و لە جیاتی هەڤاڵانم لە سەرکردایەتی حزبی رزگاریی کوردستاندا پڕبەدڵ پیرۆزبایی لە بەڕێزتان دەکەم، لە رێێ ئێوەی بەڕێزیشەوە پیرۆزبایی لەسەرجەم وەزیرەکانی کابینەی حەوتەم دەکەم، هیواخوازم هەمیشە لەشساغ بن و لەکارەکانتاندا سەرکەوتووبن}.

لە درێژەی پەیامەکەدا هاتووە: {جێی خۆشحاڵیمانە کە کابینەی حەوتەم بەسەرۆکایەتی بەڕێزتان دەکرێت بە کابینەی هەموو گەلی کوردستان، ئەمەش هەنگاوێکی بوێرانەو راستینە، لەبەژەوەندی گەلی کوردستاندا تەواو دەبێت، لەو پێوەندەدا پشتیوانی خۆمان بۆ کابینەی حەوتەم بەسەرۆکایەتی بەڕێزتان رادەگەیەنین.

لە کۆتاییدا سڵاوو پیرۆزبایی خۆمان دووپات دەکەینەوە، هیوای سەرفرازی و لەشساغیتان بۆ دەخوازین}.