دیداری کاک عارف باوهجانی لهگهڵ ناسر بولادی وتهبێژی گشتی پارتی خهڵکی بهلوجستان و لهگهڵ ماجکۆ پاندهلی سهرۆکی پارتی لیبراڵ و کهسایهتی ناودار و پهرلهمانتاری ئیتالی

له ڕۆژانی 6 و7 ی دێسهمبهر که بهڕێز کاک عارف له کۆنفرانسی ئاشتی بۆ ڕۆژههڵاتی ناوهڕاست بهشدار بوو،لهو کۆنفرانسهدا چاوی به زۆر کهسایهتی سیاسیی ئوروپی و ڕۆژههڵاتی ناوهڕاست کهوت،که یهکێک لهو کهسایهتییه سیاسیانه بهڕێز ناسر بولادی وتهبێژی گشتی پارتی خهڵکی بهلوجستان بوو،

له ڕۆژی 6 دیسهمبهر دانیشتنێکی 30 خولهکی له نێوان بهریز کاک عارف وکاک ناسر بهریوه چوو،

لهو دانیشتنه دۆستانهدا گهلێک باسی جۆراجۆرکرا،وهک ههل ومهرجی ئیستای ئێران و ههڵوێستی جیهان بهرامبهر به ئێران،دۆستایهتی و هاوکاری نێوان نهتهوه بندهستهکان،

ههروهها تهوهرێکی دیکهی باسهکهیان له سهر کێشهکانی ناو بهرهی نهتهوهکانی بندهست و کۆنگرهی نهتهوهکانی ئێرانی فیدراڵ بوو .

شایانی باسه که پارتی خهڵکی بهلوجستان گهورهترین پارتی خهڵکی بهلوجستانی بندهستی ئێرانه،

ئاکامی کۆبوونهوهکه به بتهوکردنی پێوهندی دۆستانهی نێوان ههردوولایهن کۆتایی پێهات.

له ڕۆژی 7 دێسهمبهر بهڕێز کاک عارف له دیداری لهگهڵ بهریز ماجکۆ پاندهلی،سهرۆکی پارتی لیبراڵ وکهسایهتی ناودار و پهرلهمانتاری ئیتالی پێک هێنا،

لهو دیدارهدا کورته پێناسهیهک له سهر وهزعییهتی کورد به گشتی و ڕۆژههڵاتی کوردستان به تایبهت و ڕووداوه گرنگهکانی ناوچهی ئاراستهی ناوبراو کرد، بهڕێز ماجکۆ پاندهڵی دڵسۆزی خۆی بهرامبهر به گهلی کورد نواند و ڕایگهیاند نزیکهی 38 ساڵه که شارهزایی لهسهر کورد پهیدا کردوه،ههروهها ناوبراو ههر لهوێ ڕایگهیاند که خۆشحاڵ دهبێت بهڕیز باوهجانی بهڕهسمی دهعوات بکات بۆ پهرلهمانی ئیتالیاو لهوێ زیاتر لهسهر مهسهلهی کورد له ڕۆژههڵاتی کوردستان بدۆێن،

شایانی باسه که بهڕێز ماجکۆ پاندهلی یهکێک لهو کهسانه بوو که قسهکهری کۆنفرانسی ئاشتی بوو له پهرلهمانی ئوروپا،ههروهها ناوبراو له نێۆ ئوروپایهکانیشدا کهسایهتیهکی ناسراوه، بهڕێز ماجکۆ پاندهلی له ناوئاخنی قسهکانیدا له سهر کێشهکانی ڕۆژههڵاتی ناوهڕاست زۆر به جوانی باسی گهلی کوردی کرد، بهگهلێکی چهوساوهو ئاشتی خوازی ناسی و ناوی ئهو 4 وڵاته داگیرکهرهی هێنا که بۆ دهیان ساڵه گهلی کورد ههچهوسێنهوه،هیوای خواست که ئهو نهتهوهش له ڕۆژههڵاتی ناوهڕاست کێشهکانیان بهرهو چاره سهری بڕوات.

ناوهندی ههواڵی پارتی سهربهستیی کوردستان