بە
داگیرکردنی عەفرین، بەرخۆدان
کۆتایی نایەت
شەڕڤانانی رۆژئاوای
کوردستان زۆر ئازایانە ماوەی ٥٩
رۆژ دژ بە سوپای داگیرکاری تورک و
کرێگرتەکانیان بەرخۆدانیان کردو
جیهانیانیان سەرسام کرد. ئەو بەرگری و
بەرخۆدانەی شەڕڤانانی
رۆژئاوا لە مێژوودا کەموێنەیە و
تا دنیا ماوە دەگێڕدرێتەوە.
هەرچەندە سوپای داگیرکاری تورک بە
چاوساغی هەندێک خۆفرۆش توانیا بچنە ناو
شاری عەفرین، بەڵام بەرخۆدان
هێشتا بەردەوامەو شەڕ
کۆتایی نەهاتووەو
ئاکامەکەیشی نادیارە.
بە شەهیدکردنی شاری
هەڵەبجە بە چەکی
کیمیاوی، بەرخۆدانی باشوور
کۆتایی پێنەهات و نەتەوەی
کورد لەنێو نەچوو، بە داگیرکردنی
عەفرینیش بەرخۆدانی رۆژئاوا
کۆتایی پێنایەت و گەلی
رۆژئاوای کوردستان لەبێن ناچێ.
دۆست و دوژمن دەبێ ئەو
راستیە بزانن کە ورەو بەرخۆدانی
شەڕڤان و گەلی رۆژئاوا بەرزەو
سەرەنجام سوپای داگیرکار دەشكێ و
کرێگرتەکانیشی تەنیا
شەرمەزاری و ریسواییان بۆ
دەمێنێتەوە.
بژی هێزی بەرخۆدانی
رۆژئاوا
مردن و نەمان بۆ سوپای
داگیرکاری تورکیاو
بەکرێگیراوەکانی
وتەبێژی
مەکتەبی سیاسی حزبی رزگاریی
کوردستان
١٨-٣-٢٠١٨