شاندێکی حزبی رزگاریی کوردستان سەردانی ئامەد دەکات و بەشداری لە ئاهەنگی نەورۆزدا دەکات

رۆژی ٢٠-٣-٢٠١٣ شاندێکی حزبی رزگاریی کوردستان لە سەر بانگهێشتنی پارتی ئاشتی و دیموكراتی BDP ، سەردانی شاری ئامەدیان کرد، لەلایەن بەرپرسانی پارتی ئاشتی و دیموکراتی بە گەرمیەوە پێشوازیان لێکرا، پاشان شاندەکە سەردانی بارەگای (کۆنگرەی جڤاتی دیموکراتی DTK)یان کردو لەلایەن بەرپرسانی کۆنگرەی جڤاتی دیموکراتیەوە بە گەرمیەوە پێشوازیان لێکرا. لە مەراسیمێکدا کە بۆ بەخێرهێنان لە میوانەکان سازکرابوو، ئایسەل توغڵوک پەرلەمانتار و هاوسەرۆکی کۆنگرەی جڤاکی دیموکراتی لە وتەیەکدا بەخێرهاتنی لە میوانان کرد، دواتر داوای کرد کە رێزدار هەڤاڵ رێکار ئەحمەد، سکرتێری گشتی حزبی رزگاریی کوردستان وتەیەک پێشکەش بکات، ئەویش لە وتەیەکدا سوپاسی پارتی ئاشتی و دیموکراتی و کۆنگرەی جڤاتی دیموکراتی کرد کە بۆبەشداریکردن لە ئاهەنگی جێژنی نەورۆز بانگهێشتیان کردوون، هەروەها هیوای خواست کە کوردستانیان بە جۆش و خرۆشێکی بێوێنە بەشداری لە جێژنی نەورۆز بکەن، ئەو جێژنەش بکەن بە رۆژی ئازادی و سەربەخۆیی کوردستان.

رۆژی دواتر واتە ٢١-٣-٢٠١٣ شاندەکە هاوشانی شاندی لایەنە سیاسیەکانی دیکە بەشداری لە ئاهەنگی جێژنی نەورۆز کرد کە بە ملیۆنان کەس تێیدا بەشدار ببوون. هەر لەو سەفەرەداو لە ئێوارەی ٢١-٣-٢٠١٤ شاندی حزبی رزگاریی کوردستان بەجیا لەگەڵ سەرۆکوەزیرانی کانتۆنی جزیرەو شاندی یاوەری، هەروەها لەگەڵ شاندی کانتۆنی کۆبانی کۆبۆوە، وێڕای دووپاتکردنەوەی پیرۆزبایی، شاندی حزب هیوای خواست کە ئەو کانتۆنانە لەسەر پێی خۆیان رابوەستن و بە زووترین کات هەڵبژاردن بەڕێوەببەن، هەر لەو پێوەندەدا ئەوان جەختیان کردوە کە لە ماوەی چوار مانگی داهاتوودا هەڵبژاردن بەڕێوە دەچێ، بانگی هەموو لایەنەکان دەکەن تا بەشداری لە هەڵبژاردندا بکەن. هەروەها داواش دەکەین کە چاودێرانی نێوەدەوڵەتی سەرپەرشتی پڕۆسەی هەڵبژاردنەکە بکەن تا هیچ لێکدانەوەو شرۆڤەی جیاواز نەمێنێتەوە.

جێی ئاماژە پێکردنەوە شاندی حزبی رزگاریی کوردستان لە کاتێکدا سەردانی ئامەدی کرد کە شارەکە بە ریکلامەکانی هەڵبژاردن رازاوەتەوە، زۆربەی بانگەشەکانی هەڵبژاردنیش بە زمانی کوردی دەکرێن، چونکە بڕیاروایە رۆژی ٣٠-٣-٢٠١٣ هەڵبژاردنی شارەوانییەكانی توركیا بەڕێوەبجێ، پارتی ئاشتی و دیموکراتی بەشداری هەڵبژاردنەکان دەکات، واش پێشبینی دەکرێ کە سەرکەوتنی گەورە مسۆگەر بکات. شاندەكەی حزب چەندین دیدارو كۆبوونەوە ئەنجام بدەن.