رەشەکوژی
چالاکوانانی کورد، تیرۆریستبوونی
دەوڵەتی تورکیا
دەسەڵمێنێ
ئازادیخواز و سەربەخۆخوازانی
کوردستان!
سەرچاوەکانی
هەواڵ ئاشکرایان کرد کە سێ چالاکوانی كورد له
سهنتهری زانیاری كوردستان لهپاریس
تیرۆرکراون، شەهید کردنی ئەو سێ
ژنە تێکۆشەرە، کوردستانیانی داخبار
کردووە، لەهەمان کاتدا پرسیارێكی گهورهی
هێناوەتەوە ئاراوە، چونکە
لەوکاتەی کەدهرفهتی دانوستانی ئاشتی
نێوان کوردو حكومهتی توركیا لە
رۆژەڤدایە، فاشیستی تورک گورز لە
کورد دەوەشێنن و نامەردانە سێ ژنی
سیاسەتمەدار تیرۆر دەکەن.
ئێستا گەلانی کورد و تورک بەتایبەتی
و جیهانیان بەگشتی بە ئومێدەوە لەو دانوستاندنە دەڕوانن
کە لە نێوان حکومەتی تورکیا و
رێبەرایەتی بزاڤی
رزگاریخوازی باکووری کوردستان
بەمەبەستی ئاشتی
هەمیشەیی هەنگاوی بۆ
هەڵگیراوەتەوە، کەچی لە پێتەختی
وڵاتێکی دیموکراسی وەک فەرەنسادا
دور لە هەر رەفتارو
ئاکارێکی سیاسی و مرۆڤبوون سێ
ژنی سیاسەتمەدار تیرۆر دەکرێن.
ئێمە لە حزبی رزگاریی کوردستاندا
لەکاتێکدا زۆر بە توندی ئەو کردەوەیە ریسوا
دەکەین و داخباری خۆمان دیار دەکەین
و پرسەو سەرەخۆشی لە
بنەماڵەی قوربانیان و پارتی
کرێکارانی کوردستان دەکەین،
لەهەمانکاتدا داواکارین کە حکومەتی
فەرەنسا راستوێژانە هەوڵی
دۆزینەوەو ناساندنی تیرۆریستان بدات
و بەسزایان بگەیەنێ.
سڵاو بۆ گیانی پاکی سەکینە
جانسیز، فیدان دۆغان و لەیلا
سویلەمیز.
ریسوایی و رووڕەشی بۆ
تیرۆریست و تیرۆرپەروەران
مەکتەبی
سیاسی
حزبی
رزگاریی کوردستان
١١-١-٢٠١٣