شاندێکی حزب سەردانی
پارتی پارێزگاران و حزبی ئایندەی کوردستان
دەکات
کاتژمێر ١٠:٣٠ی
رۆژی ٢٩-٤-٢٠١٢
شاندێکی حزبمان حزبی رزگاریی کوردستان کە
پێکهاتبوو لە بەڕێزان هەڤاڵ
رێکار ئەحمەد، سکرتێری گشتی و
هەڤال سابیر عوسمان ئەندامی
مەکتەبی پەیوەندیەکان، لە
شاری سلێمانی سەردانی بارەگای
مەکتەبی پارتی پارێزگارانی کوردستانی
کردو لەلایەن رێزدار کاک نەجات عومر سورچی
سەرۆکی پارت و کاک فەرەیدون فەرهاد
شاکر ئەندامی مەکتەبی سیاسی
بەگەرمیەوە پێشوازیان لێکرا،
ئەوسا لە دیدارێکی برایانەدا باس
لە رەوشی هەنووکەیی کوردستان و
پەیوەندی نێوان لایەنە
سیاسیەکانی کوردستان کرا، هەردوولا هاوڕامان
بوون کە دەبێ هێزە کوردستانیەکان لەبەرانبەر
حکومەتی ناوەند
هاودەنگ و
یەکهەڵوێست بن،
بەوهۆیەشەوە دەتوانرێ
مافەکانی گەلی کوردستان پارێزراوو
مسۆگەر بکرێن.
هەمان شاندی حزب کاتژمێر
١٢ی هەمان رۆژ، واتە
٢٩-٤-٢٠١٢ لە شاری
سلێمانی سەردانی بارەگای
مەکتەبی سیاسی حزبی
ئایندەی کوردستانی کردو لەلایەن
رێزداران کاک قادر عەزیز سکرتێری گشتی و کاک
فەتاح زاخۆلی ئەندامی مەکتەبی
سیاسی بەگەرمیەوە
پێشوازیان لێکرا. ئەوسا لە
دیدارێکی برایانەدا رەوشی
هەنووکەیی کوردستان و
گۆڕانکاریەکانی ناوچەکە
قسەوباسیان لەسەرکرا، لەتەوەرێکی
دیکەشدا باس لە پەیوەندی نێوان
هەردوو حزبی رزگاری و ئایندەی کوردستان کرا.
هەردوولا هیواخوازبوون کە کوردستانیان
پەرۆشانە بەنێوماڵی
کوردەواری رابگەن و لەبەرانبەر
حکومەتی بەغدادیشدا هاودەنگ و
هاوهەڵوێست بن.