شاندێکی بزووتنەوەی دیموکراتی گەلی کوردستان سەردانی حزبی رزگاری دەکات

رۆژی ٢٩-١-٢٠١٣ شاندێکی باڵای بزووتنەوەی دیموکراتی گەلی کوردستان بە سەرۆکایەتی مام خدر روسی سکرتیری گشتی بزووتنەوە سەردانی بارەگای مەکتەبی سیاسی حزبی رزگاریی کوردستانی کرد و لەلایەن هەڤاڵ رێکار ئەحمەد، سکرتێری گشتی و ژمارەیەک لە هەڤالان پێشوازیان لێکرا، ئەوسا لە دیدارێکی برایانەدا باس لە رەوشی هەرێمی کوردستان، عێراق و ناوچەکە کرا، سەبارەت بە باشووری کوردستان جەختکرایەوە کەدەبێ نێوماڵی کوردەواری باشتر پتەو بکرێ، پەیوەندیەکانی لەگەڵ دۆستانی راستینی خۆیدا بەهێز بکات، سەبارەت بەعێراق باس لە گرژی و ئاڵۆزیەکانی رۆژانی رابردووی پارێزگاکانی عێراق کرا، پێشبینی ئەوەکرا کە واقیعی ئێستای عێراق دەگۆڕدرێ، بۆیە وادەخوازێ کە کوردستانیان خۆیان بۆ هەموو ئەگەرەکان ئامادە بکەن. هەر لەو پێوەندەدا هەڤاڵ رێکار ئەحمەد رامانی خۆی دیارکرد و رایگەیاند کە عێراق بە یەکگرتوویی نامێنێتەوە، بەرەو سێ پارچەیی، واتە سێ فیدراڵی، سێ کۆنفیدراڵی یان سێ دەوڵەت دەڕوات، ئەوەشی بە باشترین چارەسەر بۆ داهاتووی پێکهاتەکانی عێراق لێکدایەوە.