260 سهرههڵگرتووی کورد له رۆژانی داهاتوودا دیپۆرت دهکرێنهوه

تایبهت به ماڵپهڕی رزگاری: گیراوێکی باشووری کوردستان که ئێستا له زیندانی شاری ئهدهنهی تورکیا راگیراوه، له پهیوهندیێکی تهلهفۆنیدا به ماڵپهڕی رزگاری راگهیاند که 260 کورد که ههموویان خهڵکی باشووری کوردستانن له زیندانی ئهدهنه راگیراون و له رۆژانی داهاتوو دیپۆرت دهکرێنهوه.

ئهو زیندانیه ئاشکرای کرد که کاتژمێری شهشی رۆژی 11-1-2008 له کاتێکدا که 260 سهرههڵگرتوو ویستویانه بهسواری کهشتی به قاچاخ له یۆنانهوه بهرهو ئیتالیا بڕۆن، لهلایهن پۆلیسی یۆنانهوه ئاشکرا کراون و دهستگیر کراون.

بهگوێرهی زانیاریهکان رۆژی دواتر ئهو گیراوانه بۆ شاری کۆمۆنیزیا گوازراونهتهوه، دواتر لهرۆژی 13-1-2008 رادهستی پۆلیسی تورکیا کراونهتهوه، ئێستا له زیندانی شاری ئهدهنه راگیراون، لهوانهیه دوای لێپرسینهوه رهوانهی باشووری کوردستان بکرێنهوه.

ئهو زیندانیه رایگهیاند که گیراوهکان له رهوشێکی ناخۆش دا دهژین، پۆلیسهکانی تورک سوکایهتیان پێدهکهن، ههروهها ئهو گیراوانه نیگهرانی داهاتووی خۆیانن، چونکه لهوانهیه لهلایهن ئاسایشی ههرێمی کوردستانهوه دووچاری لێپرسینهوهو گیران ببنهوه، لهلایهکی دیکهشهوه ههریهک له ئهوان پارهیهکی زۆری لهو رێگهیه سهرف کردووهو ئێستا به دڵشکاوییهوه دیپۆرت دهکرێتهوه. بهوهۆیانهوه له رهوشێکی نادیاردا دهژین.