ساڵی نوێتان پیرۆز بێ

بەبۆنەی هاتنی ساڵی ٢٠١٦ی زایینیەوە لەدەستپێکدا پیرۆزبایی لە هێزی پێشمەرگە و گەریلاو شەڕڤانە ئازاکان دەکەین، دەستی ماندوونەبوونیان دەگوشین، چونکە کوردستان بەهێزو بازووی ئەوان پارێزراوو پشت ئەستورە.. هەر بەبۆنەی هاتنی ساڵی ٢٠١٦ەوە پیرۆزبایی لە تێکڕای کوردستانیانی سەربەخۆخواز و ئازادیخوازانی جیهان دەکەین، دەخوازین ساڵی نوێ ببێتە ساڵی سەرکەوتن بەسەر هێزە بیرتاریک و کۆنەپارێزەکان، بەتایبەتی ئەوانەی ئەمڕۆ هەڕەشە لە خەڵك و خاکی کوردستان دەکەن.

ئێمە دڵنیایین ئەگەر کوردستانیان بە یەکگرتوویی رووبەڕووی هەڕەشەکان ببنەوە، سەردەکەون، هێزی داگیرکار خۆی بۆناگیرێ و پاشەکشە دەکات، کوردستان ئازادو سەربەخۆ دەبێ.