راگەیاندراوێک سەبارەت بە
تەقینەوەکەی ئەمڕۆی
شاری هەولێر
کوردستانیانی ئازادیخواز
رزگاریخواز و سەربەخۆخوازان
ئەمڕۆ
١٩-١١-٢٠١٤ لە
کردەێکی تیرۆریستیدا،
خۆکوژێک کە نەیتوانی بگاتە ناو
باڵاخانەی پارێزگاری هەولێر،
خۆی و ئۆتۆمبێلێکی
بۆمبڕێژکراوی لەبەردەم
باڵاخانەی پارێزگای هەولێردا
تەقاندەوە، بەوهۆیەشەوە
چەند هاوڵاتی و کارمەندێک شەهیدو
بریندار بوون، ئێمە لەکاتێکدا سڵاو بۆ
گیانی شەهیدەکان دەنێرین و
پرسە و سەرەخۆشی لە
بنەماڵەی شەهیدان دەکەین و
هیوای چاکبوونەوە بۆ بریندارەکان
دەخوازین لەهەمان کاتدا زۆر بەتووندی
ئەم کردەیە ریسوا دەکەین و
نەفرەت لە تیرۆریستان و
تیرۆرپەروەران دەکەین.
خەڵکی
خۆڕاگری کوردستان!
لای
هەمووان ئاشكرایە کە داعش
لەسەردەستی هێزی
پێشـمەرگەی کوردستان و بە پشتیوانی
هێزی ئاسمانی هاوپەیمانان لە عێراقدا
دووچاری شکستی گەورەبۆتەوە، هەر
بۆ شاردنەوەی ئەو شکستانەی پەنا
بۆ تەقاندنەوە دەبات و
بەخەیاڵی گڵاوی خۆی
پێیوایە ئارامی کوردستان
دەشێوێنێ، بەو مەبەستەوە
هەولێری پێتەخت دەکاتە ئامانج،
بەڵام سەرەنجام هێزە تاریکەکان
تێکدەشکێن و لەسەردەستی کوردستانیان
بەچۆک دادێن، تەنیا ریسوایی و
شەرمەزاریان بۆ دەمێنێتەوە.
سڵاو بۆ
گیانی پاکی شەهیدان
مردن و
سەرشۆڕی بۆ داعش و هاودەستانی
مەکتەبی
راگەیاندنی
حیزبی رزگاریی کوردستان
١٩-١١-٢٠١٤