كهمپینێك
دژی پرۆژە یاسای "پاراستنی
پیرۆزیە ئاینیەکان"
نامەیەکی کراوە بۆ:
سەرۆکایەتی
پەرلەمانی هەرێمی کوردستان
سەرجەم فراکسیۆنەکانی
نیو پەرلەمانی کوردستان
سەرۆک وەزیرانی
حکومەتی هەریمی کوردستان
پاش سڵاو ..
لە
رێگەی ئەم کەمپینەی
خوارەوە بە ئیمزای سەدان نوسەر و
ڕۆژنامەنوس ومامۆستا و خوێندکارو
کەسایەتی سیاسی و چالاکوانی مافەکانی
ژنان و کریکاران وکۆمەڵگەی
مەدەنی و ریکخراوە و خەڵکی
ئازادیخواز ، ناڕەزایەتی خۆمان و
خەڵکی کوردستانتان پێ
ڕادەگەیەنین بە پرۆژە
یاسای "پاراستنی پیرۆزیە
ئاینیەکان" کە لەلایەن لیژنەی
ئەوقافی پەرلەمانی کوردستانەوە
لە رۆژی ١٠/٥/٢٠١٢
وە خراوەتە بەردەم پەرلەمان.
ئێمە ئەم یاسایە
ڕەتدەکەینەوە و بە بەرتەسکردنەوەی
ئازادی ڕادەربڕین و نوسین و بواری
ڕۆژنامەگەری دەبینین و بە
هێرشێک بۆ سەر ماف و ئازادیەکانی
خەڵکی کوردستانی دادەنێێن و
پڕۆژەیەکە بەناوی پاراستنی
پیرۆزیە ئاینیەکانەوە
سەرکوتی دەسەڵات توندتردەکاتەوە.
ئەم
پڕۆژە یاسایە هاوشیوەی
ئەو یاسایانەیە کە
ئەمڕۆ لە ئێران و سعودیە و
کوەیت خەڵکی
بەهۆیەوە ئیعدام دەکرێن . ئەو
سزایانەی لەم پڕۆژە
یاسایەدا هاتوون لە زیندانی کردنی
نوسەران و ڕۆژنەمەنوسان و داخستنی
دەزگاکانی ڕاگەیاندن و چاپەمەنی
و غەرامەی قورسی مالی ، ئەگەر
بکرێتە یاسا ئەوا سەردەمی
حکومەتە دینیەکان و
دەسەڵاتی کەنیسەکانی
چاخەکانی ناوەڕاست بەسەر
کۆمەلگەدا دەسەپێنێت.
هەروەها ئەم
یاسایە ڕێگریەک
لەبەردەم گەشەی ئازادانەی فکر و
داهێنان و ماف و بەشداری سیاسی و
کۆمەڵایەتی هاوڵاتیانی کوردستاندا
پێک دەهێنێ و کوردستان وەک
کۆمەڵگەیەکی داخراو و
گەشەنەکردوو دەهێڵێتەوە .
بێگومان ئەم پڕۆژەیاسایە
دژایەتی ئاشکرای هەیە بە خواست و
چاوەڕوانیەکانی خەڵکی مۆدێرنی
کوردستان و هەربۆیە ڕوبەڕوی
ناڕەزایەتی خەڵکی مەدەنی
و ئازادیخوازی کوردستان دەبێتەوە.
ئێمە وەک بەشێک
لە خەڵکی ئازادیخواز لە کوردستان و لە دەرەوەی
وڵات هەموو شێوازیکی
مەدەنیانە بەکار دەهێنین
بۆ ڕێگەگرتن لەسەپاندنی ئەم پڕۆژە
یاسایە لە کوردستان و هەر هەوڵێک
بۆ بەرتەسکردنەوەی
ئازادیەکانی خەڵکی کوردستان.
١٩ئایاری
٢٠١٢