کاتژمێر
١٠ی ئەمڕۆ رۆژی
١٥-٣-٢٠١٥
گردبوونەوەیەکی جەماوەری
لەبەردەم کۆنسۆلگەری ئەڵمانیان
لە شاری هەولێر بەڕێوەچوو
کە ژمارەیەک لایەن و رێکخراو
تێیدا بەشداریان کردبوو، سەرەنجام
ئامادەبووان یاداشتێکیان پێشکەش بە
کۆنسۆلگەری ئەڵمانیا کرد.
جێی
ئاماژەیە کە ئیحسان وەڵزی
نوێنەری کۆنسۆڵی
ئەڵمانیا یاداشتەکەی
وەرگرت و بەڵێنی دا کە بە
ئەمانەتەوە رەوانەی
وەزارەتی دەرەوەی ئەڵمانیای
بکات.
ئەمەش
دەقی یاداشتەکەیە
یاداشتێک بۆ
دەوڵەتمەردانی ئەڵمانیا
لە
رێی بەڕێز کۆنسۆلگەری
ئەڵمانیا لە شاری هەولێر بۆ:
بەڕێز
سەرۆکی کۆماری ئەڵمانیای
فیدراڵ
بەرێز
سەرۆک وەزیرانی ئەڵمانیای
فیدراڵ
بەڕێز
باڵوێزی ئەڵمانیا لە
کۆماری عێراقی فیدراڵ
پاش
سڵاو!
بەهۆی
ئەوەی کۆمپانیاکانی
ئەڵمانیا هاوشان لەگەڵ
زۆربەی وڵاتانی ئەوڕوپا وئەمریکا
و یابان و..... لە هەشتاکانی سەدەی
رابردوو رۆڵیان لە فرۆشتنی چەکی
کیمیاوی بە رژێمی بەعسی رووخاو هەبوو،
ئەویش ئەو چەکانەی زۆر
دڕندانە لە قەڵاچۆکردنی
هاووڵاتیانی کوردستان بەکارهێناو
ئاکامەکەشی دەیان هەزار هاووڵاتی
سڤیلی کوردستان بوونە قوربانی، نموونەیەکی
دیاری تاوانەکانیش کیمیابارانکردنی
شاری هەڵەبجە بوو، کە تا ئێستاش
سەدان لەو قوربانیانە کە بە
چەکەکانی ئەو وڵاتانە
کیمیابارانکران بەدەم ئازارەوە
دەتلێنەوەو ناخۆشترین ژیان
بەسەر دەبەن.
ئێمە
کە ئەمڕۆ
١٥-٣-٢٠١٥ لەبەردەم
کۆنسۆلگەری ئەڵمانیا لە
شاری هەولێر کۆبووینەتەوە،
وەک ساڵانی پێشووترمان کۆمەڵێک
داواکاری دەخەینە بەردەست
ئێووەی بەڕێز، هیوادارین
ئێوەی بەڕێز بە رۆڵی
مرۆڤدۆستانەی خۆتان هەڵبستن
لە پشتیوانیکردن لەم داواکاریانەو
نەفرەت لەو مێژووە ناشرینەی
رابردوو بکەن و دان بە بەرپرسیارێتی
بنێن بەرامبەر بەو تاوانانەی لە
رابردوودا ئەنجامدراون کە پشكێکی بەر
کۆمپانیاو سیاسییەکانی
ئێوە دەکەوێت، داواکارییەکانمان
بریتین لە:
-حکومەتی
ئەڵمانیا بە فەرمی دان بە
تاوانەکانی جینۆسایدی کورددا بنێت چ
ئەوانەی رژێمی بەعس
ئەنجامیانی دا، یان ئەوانەی
ئێستا خەلافەتی ئیسلامی ناسراو بە داعش
ئەنجامی دەدات بەردەوامە لێی.
-حکومەتی
ئەڵمانیا بەشداری بکات لە
کەمکردنەوەی ئازاری بریندارانی
چەکی کیمیاوتی کە ٢٧
ساڵە بەو ئازارەوە دەناڵێنن.
- حکومەتی
ئەڵمانیا لە رێگەی
کۆنسۆلگەری ئەڵمانیا لە
شاری هەولێرەوە ئاسانکاری بکات بۆ
کەسوکاری قوربانیان و بریندارانی چەکی
کیمیاوی بۆ ئەوەی سەردانی
وڵاتی ئەڵمانیا بکەن بۆ
چارەسەرکردن.
١٣-٣-٢٠١٥
ناوی
هەندێک لەو رێکخراو و لایەنانەی
کە یاداشتەکەیان ئیمزا کردبوو.
1. حزبی شیوعی کوردستان
2. حزبی ئایندەی کوردستان
3. حزبی رزگاریی کوردستان
4. بزووتنەوەی دیموکراتی
گەلی کوردستان
5. کۆمەڵەی
ئیسلامی کوردستان
6. حزبی زەحمەتکێشانی
کوردستان
7. بزووتنەوەی گۆڕان
8. تەڤگەری ئازادی
کۆمەڵگای کوردستان
9. کوردستان بێ جینۆساید
10.
تۆڕی رێخکراوە
کوردستانییەکان بۆ دادگای تاوانی
نێودەوڵەت ٢٢٨ رێکخراو
11.
ئایکان کوردستان ٥٣ رێکخراو
12.
رێکخراوی رەنگەکان بۆ ئازادی
13.
رێکخراوی چاودێری کوردۆساید- چاک- باشوور
14.
سەنتەری رۆشنبیری کوردی –
روسی لە مۆسکۆ
15.
سەنتەری ئاسوودە بۆ راپرسی و
سیاسی
16.
فیدراسیۆنی زیندانیانی
سیاسی کوردستان
17.
رێکخراوی ئۆرتە
18.
رێکخراوی جووتیارانی سەردەم
19.
پارتی کۆماری کوردستان
20.
رادیۆی ئاشتی/ هەولێر
21.
رێکخراوی ئەنفالەکانی کوردستان
22.
رێکخراوی سۆفیا بۆ
پەڕەپێدانی بەهرەکانی
منداڵان.