ئەنفالکردنی کوردستانیان
تاوانێک بوو لە مێژوودا
دەمێنێتەوە
رژێمی
بهعس بەنهخشهو پلانێكی داڕێژراو له ١٨-٢-١٩٨٨
تا ٦-٩-١٩٨٨ بهمهبهستی لهناوبردنی
گهلی كورد بە ههشت قۆناغ شاڵاوی ئەنفالکردنی
کوردستانیانی بەڕێوەبرد، بەوهۆیەوە
نزیکەی سەدو هەشتاو دوو هەزار مرۆڤی
سڤیل و لاشەڕ دەستگیرکران و رەوانەی
چاڵەکانی مەرگ کران. ئەمڕۆ لە ١٤-٤-٢٠١١ دا بیست و سێ ساڵ بهسهر قۆناغی
سێیهمی پرۆسهی ئهنفالدا تێپهڕدهبێت
كه لەو رۆژەدا زۆرترین ژن و
منداڵی کورد لەلایەن جاشەکانەوە
رادەستی سوپای بەعس کران و لەوێشەوە
رەوانەی بیابانەکانی عێراقدا کران و زیندە
بەچاڵ کران.
رژێمی بهعس پشتی بە پێوەندیەکانی خۆی
لەگەڵ وڵاتانی ئەوڕوپای بەرژەوەندخوازدا
ئەستوور بوو، بۆیە بێباکانە و بێ گوێدانه
یاساو رێساکانی نێودەوڵەتی
بەبەرچاوی جیهانیانەوە شاڵاوی
لەنێوبردن و قڕکردنی کوردستانیانی درێژە
پێداو هەزاران مرۆڤی سڤیل و لاشەڕی
زیندەبەچاڵکرد. زیندە بەچاڵکردنی
مرۆڤی سڤیل نەک تەنیا تاوانێکی
دژ بە گەلی کوردستان و مرۆڤایەتی
بوو، بەڵکو سوکایەتی
و بێڕێزیکردنێکی ئاشکرای رێکخراوی
نەتەوە یەکگرتووەکان و یاسا نێودەوڵەتیەکان
بوو، بەڵام مخابن ئەوێ رۆژێ ئەمریکاو
وڵاتانی بڕیاربەدەستی جیهان لەبەر
بەرژەوەندیەکانی خۆیان چاویان
لێپۆشی و لەگوڵ کاڵتریان بە سەدام
و رژێمەکەی نەگوت. بەوهۆیەشەوە
پشکی بەرچاویان لە تاوانەکە بەر دەکەوێ.
ئێمه
له حزبی رزگاریی کوردستاندا لە رۆژی
١٤-٤ رێز لە گیانی پاکی ئەنفالکراوان
دەگرین و نەفرەت لە رژێمی بهعس و هاودەستانی
دەکەین، لەهەمان کاتدا لێبڕاوانە
دەخوازین کە گەورە تاوانبارانی شاڵاوی
ئەنفالکردنی کوردستانیان رادەستی
دادگە بکرێن و سزا بدرێن.
هەر بەوبۆنەیەشەوە داوا لە
حکومەتی هەرێمی کوردستان دەکەین
کە ئیتر بە کردەوە هەنگاو هەڵبگرێتەوەو
ژیانێکی شیاو بۆ کەسوکاری ئەنفالکراوەکان
و زیانلێکەوتوانی کوردستان دابین و مسۆگەر
بکات.
سڵاو لە گیانی پاکی ئەنفالکراوان
و شەهیدانی رێی رزگاری و سەربەخۆیی
کوردستان
نەفرەت لە رژێمی بەعس
و هاودەستانی و وڵاتانی بەرژەوەندخواز.
ماڵپەڕی رزگاری