پێشـمەرگە داستانێکی نوێ تۆمار دەکات و چەتەکانی داعش راو دەنێ

لە سپێدەی رۆژی نۆی ئازاری 2015، هێزی پێشمەرگەی کوردستان بە پلانێکی داڕێژراو، بە هاوکاری هێزی دژە تیرۆر و پۆلیسی بەرگری و فریاكەوتن و هێزە ئەمنییەكانی تر بەهاوكاری هێزی ئاسمانی هاوپەیمانان هێرشێكی کتوپڕیان کردە سەر مۆڵگەکانی داعس لەباشوری كەركوك و مۆڵگەکانیان بەسەردا رووخاندن.

لەو هێرشەدا گوندەکانی سمایلاوای سەروو، سمایلاوای خواروو، تەلوەرد، مەلا عەبدوڵا، مولتەقە و بەرزاییەكانی خەرابەڕووت بە تەواوی ئازادکراون و چەتەکانی داعشیش ئەوانەی کوژران و ئەوانەی دیکەش رایانکرد.

بەوگوێرەی زانیاریەکان لەو هێرشەدا زیاتر لە 200 چەكداری داعش كوژراون، وەک دەگوترێ کە لاشەی زیاتر لە 65 داعشی کوژراو لە سەنگەرەکاندا بەجێماون.